GM: IT-79 nunatsinni pissartanngorput
Nuummeersut IT-79-kkut B-67-kkullu pissartanngorniutivinnerat pissanganarluinnartumik arfininngornermi ingerlanneqarpoq.
Arsaannermi 2-2-mik naligiiffiulluni naammassimmat sivitsorneqarpoq.
Sivitsorneranilu naligiimmata unammineq isertitseriaqattaarnermik inerneqarpoq.
Unammineq naammassimmat IT-79-kkut isertitseriaqattaarnermi 4-2-mik ajugaapput nunatsinnilu pissartanngorlutik.
IT-79-kkut taamaasillutik pokaali Qeqertarsuup arsaattarfissuaniit Nuummut angerlaattussanngorpaat.
Ilulissaneersut N-48 Qeqertarsuarmeersullu G-44 arfininngornermi bronzinnanniummata, G-44 N-48-mut 2-1-mik ajugaapput.