Assi: Assiisivik

URANI Isummat allanngorpata Namminersorlutik Oqartussat taarsiisariaqalersinnaapput

Namminersorlutik Oqartussat piginneqatigiiffimmut Greenland Mineral and Energymut aningaasarpaalussuarnik taarsiisariaqalersinnaapput, politikkikkut amerlanerussuteqartut uranisiornissaq unitsissagaluarpassuk.

Avatangiisit pillugit inatsinik immikkut ilisimasalik taama naliliivoq. Nunanili allamiut suliffeqarfiutaat Danmarkimut naleqqiullugu Kalaallit Nunaanni aningaasaliissagunik atugassatigut isumannarnerupput.

Uranisiornissamulli akerliusut amerlanerussuteqassagaluarpata nunap karsia taarsiisussanngoriataarsinnaavoq.

Inatsisinik immikkut ilisimasalik Peter Pagh, Københavnip Universitetimeersoq taama oqarpoq.

- Oqaraanni: Taasititsinikkut aalajangeratta pissanngitsusi - taava GME tunngaviusumik inatsit naapertorlugu taarsiiffigineqartariaqarpoq.

Aamma atuaruk Lynge siunnersuummini kisimiivippoq​

Aamma atuaruk  Vittus: ICC-ip nalunaarusiaa ersarinnerusinnaavoq

 

Tamanut ammasumik uranimik piiaanissaq pillugu isumaqatigiinngikkaanni Peter Pagh naapertorlugu taarsiissuteqannginnissamut tunngavilersuutissaanngilaq. Politikkikkut amerlanerussuteqarneq-  aamma inatsisitigut amerlanerussutaavoq.

Taamaattumik Namminersorlutik Oqartussat taarsiisariaqalissanngippata, allanik pingaaruteqarluinnartunik uranisiornissamik unititsinermut peqquteqartariaqarpoq - assersuutigalugu ingerlatsiviup piianermini aatsitassarsiornermut inatsisinik malinninnginnera, Peter Pagh oqarpoq.

- Oqaraannili tunngavilersukkanik qajassuussassaqarpugut ilissinnut atoqqusaanngitsunik, taava pissutsit allarluinnanngussapput.

Aamma atuaruk  URANI VIDEOLLU Folketingimi amerlanerussuteqartut urani pillugu inatsisissat akuersaarpaat

Aamma atuaruk  IA-p SF-illu uranimut inatsit isumaqatigiinngissutigaat

 

Uranisiornissamulli akuersissummik tunniussigaanni taava taanna aalajangiisoorujussuussooq.

- Oqartariaqarpunga GME eqqortumik pisoq. Taava taamaatiinnarnerarluni oqaannartoqarsinnaanngilaq. Taamaattoqassappalli tunngaviusumik inatsit ataqqillugu tamakkiisumik taarsiisoqassasoq, professori isumaqarpoq.

Uranisiornissamut akuersissummik tunniussissoqareernersoq apequtaalluinnarpoq

“Uani suliami suliffeqarfiit isumaqarsimasinnaanngillat ingerlaannarsinnaallutik. Politikkikkut isumaqatigiinnginneq ersarittuarsimavoq – aamma inuiaqatigiinni’.

Inuit Ataqatigiit siulittaasuat, Sara Olsvig Aviisimut AG-mut oqarpoq.

Tarsiissuteqarnissarli pinngitsoortinniarlugu urani pillugu inuiaqatigiinni isumaqatigiinnginneq tunngavilersuutitsialattut atorneqarsinnaanngitsoq, Peter Pagh oqarpoq. Politikkikkut amerlanerussutit aalajangiinerat – amerlassusaat apeqqutaatinnagu – GME-p piaaffimmik aallartitsisinaaniissaminut ‘tunngavissaqarluarluni naatsorsuuteqarnissaanut’ aamma tunngaviliisoq, taanna oqarpoq.

Apeqqutaalluinnarporli, Namminersorlutik Oqartussat uranisiornissamut akuersissummik GME-mut tunniussereersimanersut. 

- Taamaammat oqarsinnaavugut (GME) ilumoortut. Taava akuersissumik atorunnaarsitsiinnartoqarsinnaanngilaq. Taamaaliussagaluaraannili tunngaviusumik inatsit malillugu taarsiissuteqarnissaq naatsorsuutigineqartariqassaaq.Tassa taamaassasoraara, Peter Pagh oqarpoq. 

 

Nunarput isumaqatigiissutinut aningaasaliisut illersuutaasunut peqataanngilaq

Københavnip Universitetiani inatsisinik immikkut ilisimasalimmit allamit  Lone Mouyalimit Peter Pagh taperserneqarpoq.

Taanna ilanngullugu oqarpoq nunani allamiut suliffeqarfiutaat nunani allani aningaasaliinermut naleqqiullugu Kalaallit Nunaanni aningaasaliinermikkut atugassatigut isumannarnerusartut.

Danmarkimmi nunallu allat akornanni niuveqatigiinnikkut isumaqatigiissutitigut assigiinngitsutigut piginnaatitsisunik, soorlu isumaqatigiissut malinneqanngippat naalagaaffimmut isumaqatigiissitsiniarnernut akiligassiisinnaanikkut pisinnaatitaaffeqarpoq,  Kalaallit Nunaalli isumaqatigiissutit tamakku avataanni inissisimavoq.

- Nunani allamiut suliffeqarfiutaat Kalaallit Nunaanni aningaasaliigunik isumaqatigiilluni aalajangersakkat avataaniinnertik pissutigalugu, Kalaallit Nunaanni inatsisinut Namminersorlutik Oqartussanullu isumaqatigiissutitigut tunngaviusunut isumaqatigiissutigisinnaasaminnut tutsuviginnittariaqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat