Sulinermik Inuussutissarsiuteqartut Kattuffianni ilaasortat 2.000-it tungaanut amerlassusillit SIK-p Sulisitsisullu Kattuffiata GA-p isumaqatigiissinnaannginneranni eqqorneqarput.
SIK-mi ilaasortat, Royal Greenlandimi, Pisiffimmi, Brugsenini, Sanaartornermillu suliaqartut eqqugaapput, naatsorsuutigineqarsinnaanngilarlu juullertinnagu isumaqatigiittoqarnissaa.
Isumaqatigiinniarnermi unittoorutaasoq GA malillugu tassaavoq, qaammarsaanermut ilinniartitaanermullu SIK-p aningaasaateqarfiani atorneqartartut, GA taama pasilliivoq.
SIK-p GA-llu isumaqatigiinniarnerisa nanginneqarnissaat suli ullulerneqanngilaq.