Isumassarsiullaqqissuseq qitiutillugu sammisaqartitsissapput
Københavnimi Kalaallit Illuutaat arfininngorpat sapaatiuppallu aaqqissuussilerpat, kulturi pingaarnerutinneqassaaq, aaqqissuusinerlu taaguuteqartinneqarpoq "Creative Greenland", tassanilu kalaallit ilusilersuisartut, eqqumiitsuliortut nipilersortartullu suliaminnik sammisaqassapput.
Allattoq Elisa Isaksen
Ilusilersuisartut sisamat Helen Steensby, Najannguaq Sværd, Bibi Chemnitz aamma Isaksen Design arfininngorpat sapaatiuppallu atisaliaminnik takutitsissapput. Tamatuma saniatigut ilusilersuisartut tuniniaaniarput, tassani soqutiginnittut atisalianik skuunillu pisisinnaassallutik inniminniisinnaassallutilluunniit. Nuka K. Godtfredsenip titartakkanik tulleriiaanik atuakkiani "Tutineq Siulleq" pisisunut atsioqattaassavaa. Arfininngorpat unnukkut Angu Motzfeldt nipilersortartunilu nipilersussapput.