Isumassarsiatsialak

Namminersornerullutik Oqartussat Inuussutissarsiutitigut Inerisaanermi Aningaasaliisarfiata siulersuisuisa Igalikumi sisamanngormat ataatsimiinnerat isumassarsiaavoq pitsaasoq, kingorna aamma Qaqortup Narsallu Kommuniinik qanimut ataatsimeeqateqarlutik inuussutissarsiutitigut ineriartortsitsinermi pilersaarutinik ilisimateqatigiittoqarnera Qaqortup borgmesteriata Simon Simonsen-ip iluarisimaarlugu oqarpoq.
aggustip 28-at 2007 10:45

-Uagutsinnut imaalillugu iluaqutaassaaq, namminersorlutik suliffinnik aallartitsiniartut taamaalillutik aqqutissiuuneqassammata, aamma neriuppunga suliffinnik nutaanik aallartitsiniartut periarfissaq una tusarlugulu ingerlariaqqinnissaminnut atorluassagaat, taama oqarporpoq Simon Simonsen

Qaqortumi ataatsimeeqatigiit siunniussaasa pingaarnerparaat kommunimi Inuussutissarsiornermi Siunnersortip aammalu illoqarfimmi Inuussutissarsiornermi Ataatsimiittartoqatigiit siunissami Greenland Venture –mut qanimut attaveqaqatigiilernissamik siunniussaqarmata.

-Taamaalillutik aallartitsiniat sukkanerusumik aallartitsisinnaalernissaq periarfissarsiuunneqarsinnaalissaaq, taama naggasiivoq Simon Simonsen, Qaqortup borgmesteria.

Narsami ataatsimiittoqarmat borgmester Kiista P. Isaksen Kommunaldirektørilu ataatsimeeqataanngitsut qaaqqusat allat inuussutissarsiornermik ingerlatallit sisamat Inuussutissarsiornermi Ataatsimiititaliap siulittaasuata siunnersortaatalu saniasigut peqataapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq