Isumasiuipallanneq: Ilinniartitaaneq pingaarnertut eqqartoqquneqarpoq

Inatsisartuni ilaasortassanik qinersisoqalerpat ilinniartitaaneq pingaarnertut eqqartoqquneqarpoq.

KNR-ip nittartagaa atorlugu isumasiuipallattoqarmat tamanna paasinarsivoq.

Sapaatip akunnera kingullermi tallimanngornikkut apeqqutigisimavarput una:

”Qinersinermi suna pingaarnerua?”

Quppersakkatsinnik alakkaasut 1.493-t apeqqutitsinnut akisisimapput.

Qinersisut 38,1 procentiisa ilinniartitaaneq pingaarnertut taasimavaat. Pingaarnerup tulliatut meeqqat inuusuttullu qinersisut 17 procentiinit taaneqarsimavoq.

Peqqinnissaq aalisarnerlu kingullerpaallutik 2,7 procentimik taaneqarsimapput.

Naalakkersuinermik suliaqartut taasisimasunut isumaqataapput. Anthon Frederiksen, Hans Enoksen aamma Josef Motzfeldt isumaqarput meeqqat inuusuttullu pingaarnerpaasut. Per Berthelsen aamma Finn Karlsen isumaqarput ilinniartitaaneq pingaarnerpaasoq.

Isumasiuinerput allamik qulequtserlugu ingerlateqqissavarput.

Partiit sorliit qinersinerup kingorna naalakkersuisunngortitsisariaqarnersut quppersakkatsinni maannangaaq isummersuutigisinnaalereerpat.

KNR naggat gl qupperiarlugu taasisinnaavutit.