Isumasiuinerit suujunnaarsinneqarput

Inatsisartunut ippassaq qinersinermi isumasiuinerit neriulussinnartitsisut, qinersisartut suujunnaarsippaat. Siulittuutit tamarmik akimorlugit qinersisut aalajangiipput.

Ippassaq inatsisartunut qinersinermi IA Demokraatillu ajugaassangatillugit qinersineq naammasseqqajanngitsoq paasissutissat kingulliit KNR-ip avammut saqqummiussuuppai.

Qinersisartulli allatorluinnaq isumaqarsimapput. Isumasiuinerit tunngavigalugit Atassut kinguariassangatinneqartoq, maanna naalakkersuisunngortitsiniarnermi aalajangiisunngortussanngorpoq. Taamaattoqarnerani KNR-ip qinersinerup inerneriumaagassaanik qinersisartunik isumasiuisitsinera pissusissamisoornersoq apeqquserneqarpoq.

- Ilumoorpoq ippassaq qinersisartunik isumasiuisitsinerit illoqarfiit tallimat, nunaqarfiit minillugit, aallaavi-galugit inerneriumaagassatut aallaaviummata, taamaattoq tamanna ilisimatitsissutiguarnerarlugu KNR-imi nutaarsiassaqartitsinermi pisortap Pia Christensenip erseqqissaatigaa.

- Isumasiuisitsinerput ulluni tulliuttuni nalilersussavarput; apeqqutinngorporlu isumasiuisitsinerit ippassartut ilusilerlugit ingerlattarnissaat Kalaallit Nunaannut naleqquttuunersut, KNR-ip nutaarsiassaqartitsiviata pisortaa Pia Christensen erseqqissaavoq.

Taasisut qinersivinnit aniinnartut illoqarfinni tallimani taasiviit silataanni qalleqqillugit kikkunnik taasinerinik misissuinerit ilinniartunit ingerlanneqarput.

Ilinniartullu qinersiartortut 6.000-it sinnillit taasereernerisa kingorna isumasiorsimavaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat