Isumasiuineq: Sara aamma Doris qinigaassapput

IA-meersoq Sara Olsvig aamma Siumumeersoq Doris Jakobsen ukiuni tulliuttuni sisamani Christiansborgimi Nunatta aallartitarissavai.Tassa HS Analysep aamma Sermitsiaq.AG-p, qinersisartunik isumasiuisitseqqammernera upperissagaanni folketingimut, qinersineq aqagu taama inerneqassaaq.

Qinersisartunik isumasiuineq taanna naapertorlugu, Nunatsinni partiit saamerliuniat qinersisartut 71,5 procentiinit qinerneqassapput.

Isumasiuinermi Inuit Ataqatigiit 38,1 procentinik aqagu qinerneqassangatinneqarput. Tamanna folketingimut kingullermik qinersinermit 4,8 procentpoint-inik siuariarnerussaaq. Siumut 33,4 procentinit qinerneqassangatinneqarpoq - folketingimut kingulllermik qinersinermit 1,3 procentpointinik siuariarluni.

Demokraatit aamma Atassut kinguariassangatinneqarput.

Isumasiuinermi Atuagagdliutini ullumi saqqummiunneqartumi oqaatigineqarpoq,  isumasiorneqartut affaasa missaat, partiimik imaluunniit qinigassanngortittut ilaannik aalajangiussaqareersimanngitsut.

Isumasiuinermi qinersisartut 612-it assigiinngitsunik tunuliaqutallit isumasiorneqarsimapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat