Isumasiuineq: Kaj Leo Naalakkersuisuuginnassaaq

Savalimmiuni qinersinissamut atatillugu inunnik isumasiuinerup takutippaa, lagmandip, Kaj Leo Johannesenip partiia, Sambands Partii, lagtingimi inissat 33-usut akornanni arfineq pingasunik ilaasortaatitaqalissasut. Taamaalilluni Sambands Partuii Savalimmiuni annersanngussaaq.
oktobarip 28-at 2011 17:14

- Kaj Leo Johannesenip lagmanditut ingerlaqqinnissaa ilimanarluinnarpoq. Aatsaalli taamaaliorsinnaavoq Socialdemokraatit partiillu mikinerusut allat ataaseq marlulluunniit suleqatigigunikkit, tusagassiortoq Jon Brian Hvidtfeldt naliliivoq.

Sambands Partii annersanngussaguni tamanna Savalimmiuni oqaluttuarisaanermut ilaalissaaq, tassami partii Naalakkersuisuutitaqartoq aatsaat siullerpaamik qinisinermi amerleriaateqassammat.

Samdands Partii aamma Socialdemokraatit upernaaq aprilimi ikinnerussuteqalerlutik Naalakkersuissuulerput, tassami suleqataat Folkeflokken Naalakkersuisooqatigiinni suleqataajunnaarmat.

Savalimmiuni aningaasaqarnerup taama ajortiginerata nalaani, Sambands Partii sooq taama tapersersorneqartiginersoq Jon Brian Hvidtfeldtimut apeqqutigaarput, taannalu ima nassuiaavoq:

- Ukiuni sisamani kingullerni Savalimmiut 2 milliard koruunit missaanni aningaasanut inatsimmi amigartooruteqartarsimavoq, tamannalu pissutaasimanerluni qinersisartut toqqissisimanarneq qinerpaat, tassalu Qallunaat Nunaannut ataannarnissaq.

Savalimmiut radioani tusagassiortoq, Jon Brian Hvidtfeldt oqarpoq.

Partiit assigiinngitsut arfineq marluk maanna lagtingimi ilaasortaatitaqarput. Partii nutaaq, Framsókn marlunnik ilaasortaateqalernissaa ilimagineqarpoq taakku maannamut ataasiinnarmiklagtingimi ilaasortaatitaqaraluarput.

Republikanerit, Høgni Hoydal siuttoralugu, marlunnik ikileriarnissaat isumasiuinerup takutippaa.