Isumasioqatigiinnissaq Nuummi Kulturikkut Illorsuarmi Katuami sapaatip-akunnerata tulliani pisussaagaluarpoq. Silaannakkulli angallanneq piffissami kingullermi ilungersunarsimammat isumasioqatigiinnissaq septembarip naajartorneranut kinguartinneqarpoq.
Pilersaarusiornermut aqutsisup, Kompetencekompagnimeersup, Jesper Kreinerip, kinguartitsineq isumatusaarnerunerarpaa. Saqqummiisussat 18-iusut aqagu tikittussaagaluarput.
- Kangerlussuarmiit ingerlaqqissinnaajunnaarnissaat perusunngilarput. Taamaammat maanna saqqummiisussat pikkorissut taakku septembarimi isumasioqatigiinnissami peqataanissaat qulakkeerniarlugu sulinerput aallartipparput, Jesper Kreiner oqarpoq.
Isumasioqatigiinnissaq septembarip 21-ani, 22-ani 23-anilu pisussanngorpoq.