Isumaqitiginniarnerit ajalusoorput

Tuluit Nunaanni Labourip aamma Liberaldemokratit akornanni naalakkersuinikkut suleqatigiittoqassanngilaq. Partiit marluk taakkua akornanni isumaqatigiinniarnerit ajalusuulersorineqarput.
maajip 11-at 2010 13:49

Taarsiulluguli Konservativit Liberaldemokratillu naalakkersuisoqatigiilissasut tusatsiarneqartoq, Tuluit Nunaanni BBC nalunaarpoq.

BBC-p Downing Streetimi ministeriunerup najugaani tusarfiit issuaavigai, tassalu Labourip Liberaldemokratillu akornanni isumaqatigiinniarnerit "sumik angusaqarfiunngitsut".

Partiimi Liberaldemokratini ilaasortat nuimasut ilaat, Tuluit Nunaanni sisamanngormat parlamentimut qinersinermi aalajangiisuusoq oqarpoq: "Isumaqarpunga Labourimit neqerooruteqarnermik takkuttoqassasoq".

Parlamentimut qinersinermi Underhusimi inissanit 650-iusunit 306-it Konservativit pissarsiarineqarput. Amerlanerussuteqarnissaq taamaallaat inissanik 20-nik amigaateqarfigalugu. Labourip inissat 258-it pissarsiarai, Liberaldemokratilli 57-inik pissarsillutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq