Isumaqatiinniartitat pisortaat tunuarpoq
Thomas Beckerip Silap pissusaanut- Nukissiuuteqarnermullu ministereqarfimmi immikkoortortami pisortatut atorfimminit januaarip ulluisa 31-anni 2010 tunuarniuteqarpoq. Suliffinili ingerlaannaq atuutilersumik tassa qimappaa, ministereqarfimmi naalakkersuisoqarfimmi pisortaq, Thomas Egebo, Danmarkip Radioata nutaarsiassaqartitsivianit apersorneqarluni ilisimatitsivoq.
"Suliamut atatillugu aaqqiagiinngissuteqarneq" pissutigalugu isumaqatiinniartitat pisortaata atorfini qimappaa, naalakkersuisoqarfimmi pisortaq oqarpoq. "Pissutsit ministereqarfiup Thomas Beckerillu assigiinngitsumik isigisaat", oqarpoq.
Silap pissusaata allanngoriartornera pillugu ataatsimeersuarnissap pingaaruteqaqisup Københavnimi pinissaa Thomas Beckerip namminerpiaq isumassarsiarigaluarpaa. Nunarsuaq tamakkerlugu attaveqaaterpassuaqarpoq, naalagaaffimmilu atorfik qaffasissoq atorfigigamiuk, Danmarki sinnerlugu ukiorpassuarni isumaqatigiinniartarsimavoq. Isumaqatigiinniartitat pisortaat maanna sulerilissanersoq ilisimaneqanngilaq.
