Isumaqatiginninniartartut pingasut katersorpai

Danmarkimi silap pissusaanut ministerip, Connie Hedegaardip, silap pissusaa pillugu sapaatip-akunnerata naanerani oqaloqateqarnermut atatillugu silap pissusaa pillugu isumaqatigiinniarnermut pingaarutillit pingasut USA-meersoq, Kinameersoq Indiameersorlu katersorpai.
Allattoq Elisa Isaksen
septembarip 21-at 2009 12:56

Tamanna New Yorkimi pivoq, tassa siullermeersumik USA-meersut, Kinameersut Indiameersullu ministerit katersornissaat iluatsimmat, aviisimi Berlingske Tidendemi allaaserineqarpoq.

- Amerikamiut, kinamiut, indiamiullu siullermeersumik katersorpavut ataatsimeeqatigalugillu, tamannalu oqaloqatigiinnitsinnut iluaqutaaqaaq - tassami taamaaliornitsigut isumaqatigiinniarnerit ajunngitsut alloriartippavut. Malugisinnaasakka najoqqutaralugit ministerit oqaloqatigisavut nunat aggerfitik sunnerniarnissaannut iliuuseqarusullutik ataatsimiiffitsinnit anipput. Københavnimi pitsaasumik angusaqarniarnissarput ajornaatsuinnaananvianngilaq, taamaattorli isumalluarnerulerpunga, Connie Hedegaard aviisimut Berlingske Tidendemut oqarpoq.

Pisoq pisortatigoortuunngitsumik oqaloqatigiinneruvoq, matumani silap pissusiinut ministerit oqaloqatigiinnissamut periarfissinneqartarlutik - periaaserlu Ilulissani 2005-imi misilinneqaqqaarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq