Isumaqatiginninniartarfik nutarterneqassaaq

Namminersornerusut allaffeqarfiani isumaqatiginniniartartussamik ukiup ataatsip ingerlanerani pingajussaa inuttassarsiuunneqarpoq. Kattuffinnit arlalinnit allaffeqarfimmi sulineq oqinnerulersinniarlugu allanngortiterinerit isornartorsiorneqaqaat.

Isumaqatiginninniartartut pisortarisaat Peter Beck oqarpoq:

- Isumaqatiginninniartoqarfimmi ajornartorsiuteqarnerput isertussanngilara. Isumaqatiginniniartarnerni suliassat suliariniarneri sivitsoruttoortarput, ilinniagallit kattuffiinut quianarpallaarunanngitsumik. Isumaqatiginniniartartut pisortaata taarserneragut suliassat qaleriiaalersimapput, miserratiginngilaralu taartissaanik nassaarniarneq ajornartorsiutigigatsigu.

Peqatigalugu Namminersornerullutik Oqartussat misissuisitsilerput isumaqatiginninniartartut pisortaata atorfiata pilerinarninngortillugu nittarsaannissaanut.

Neriupporlu pisortassamik nassaarniarneq ajornaannerulissasoq

naak qulakkeerneqarsinnaanngikkaluartoq misissuititsineq pisortassamik nassaarnermik kinguneqarumaartoq. Isumaqatiginninniartarfimmi suliassat aggulunneqassapput, immikkoortortaqarfiullu isumaqatiginninniarnerit nutaat kattuffiillu isumaqatiginninniarfigineqartarneri isumagisarilissavai, ulluinnarnilu sulinermi isumaqatigiissutit Allattoqarfimmut nuunneqassallutik.