Isumaqatiginninniarnitik nangeqqippaat

Tamanna pivoq suliffeqarfissuup Islandimi alumiiniumik aatsitsivimmik nutaamik pilersitsiniarnerminik taamaatitsiinnalersaarluni nalunaaruteqarneranit sapaatit akunneri arlaqanngitsut qaangiutiinnartut. Islandimi aviisimi Vidskiptabladidimi taama allaaserinnittoqarpoq.

Alcoa Islandimi ataatsimik alumiiniumik aatsitsiviuteqareerpoq.

Alcoap taamaatitsiinnalersaarnerminut Islandimiunit Islandimilu oqartussanit akerlilersorneqarnini qatsullugit taamaatitsiniarluni eqqarsaateqartoq, aviisit arlallit inuussutissarsiornermik sammisaqartut allaaserisaqarput.

Aviisimili oqaatigineqarpoq, Alcoami qaffasissumi atorfillit marluk sapaatip akunnerata siuliani suliffissuaqarnermut ministerimik Katrin Juliesdottirimik, pilersaarutip immikkuualuttortai pillugit ataatsimeeqateqarsimasut.