Isumaqatiginninniarnerit sapaatip akunnerata tulliani nangissapput
Siumut, Inuit Ataqatigiit Demokraatillu tallimanngornermi naalakkersuisoqatiginninniarnermut isumaqatiginninniarlutik ataatsimiipput. Naalakkersuisoqatissarsiornerilli sapaatip akunnerata tulliani naninginneqassasut Kim Kielsen paasissutissiivoq.
Allattoq Kenneth Elkjær
septembarip 21-at 2018 15:00
Nutserisoq Ane-Marie Petersen
Siumut, Kim Kielsen siuttoralugu, isumaqatiginninniarlutik pingasoriarlutik ataatsimeeqateqareerput. Inuit Ataqatigiit marloriarlutik ataatsimeeqatigineqarput, Demokraatillu ataasiarlutik.
Naalakkersuisoqatigiilersinnaanermut isumaqatiginnninniarnerit tassa aallartipput, Kim Kielsenillu isumaqatiginninniarneq sapaatip akunnerata tulliani nangeqqissasoq tallimanngornermi ualisoq oqaatigaa.
Kim Kielsenip ullut aqqaneq-marluk matuma siorna Partii Naleraq naalakkersuisooqatigiinnit tunuarmat amerlanerussuteqarnini annaavaa. Naalakkersuisoqatissarsiornerlu tallimanngorpat tulliaatinnagu inissereerneqarsimassaaq, Inatsisartut ukiaanerani ataatsimiilinnginneranni.
