Isumaqatigiissutip piaartumik atsiorneqarnissaa qinnutigaa

USA-p Koreamik Kujallermik niueqatigiinnissamut isumaqatigiissutissaa nutaaq, USA-p præsidentiata Barack Obamap Kongresimit piaartumik atsiorneqarnissaa qinnutigaa.
decembarip 04-at 2010 15:46

Isumaqatigiissutip kinguneranik USA-mi suliffissanik nutaanik ikinnerpaamik 70.000-inik pilersitsisoqassasoq, præsidentip oqaatigaa aamma isumaqatigiissutip kinguneranik Amerikamiut avammut niuernerat ukiumut dollarsinik milliardilikkaanik qaffariartinneqassasoq oqaatigalugu. Ilaatigut Amerikami biililiorfiit Koreami Kujallermiunut tunisaqarnerulernissamut periarfissinneqassapput.

Obamap oqaatigaa, isumaqatigiissut "ukiuni tulliuttuni tallimani USA-p avammut tunisassiorneranik marloriaatinngortitsinissamik siunertaqarnerminut sunniuteqarluassasoq".

Tamatumunnga atatillugu præsidentip erseqqissarpaa, USA-p Koreallu Kujalliup attaveqaqatigiinnerat "aatsaat taama nukittutigilersoq".

Korea Avannarlermiut qeqertamik Koreami Kujallermiittumik qanittukkut saassussinerisigut, sakkutuujunngitsut marluk sakkutuullu marluk toqutaanerisa kinguneranik, Koreap qeqertaasartaani najummassimanartorsiorneq suli atuuppoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq