Isumaqatigiissuteqarniarneq atorunnaarsinneqartoq
Peqqinnissaqarfimmi oqarasuaatikkut attaveqaatit kikkunnut tamanut suliariumannittussarsiuunnagit suliffeqarfinnut aalajangersimasunut isumaqatigiissuteqarfiginiarneqarnerat unitsinneqarpoq. Tamanna pivoq, Nunaqavissut Suliffiutillit Kattuffianni, NUSUKA-mi, ilaasortat maalaaruteqarnereersullu.
Allattoq Louise M. Kleemann
Namminersornerullutik Oqartussat allaffeqarfianni ukiorpassuarni tamanna ileqquliuutiinnarneqarsimasoq, NUSUKA-p allaffiani pisortaq Ole Aggu Markussen oqarpoq.
Peqqinnissaqarfimmiut oqaaseqartinniarsimagaluarpavut iluatsinnatiguli.
Peqqinissaqarfimmi oqarasuaatit attaveqaatit suliarineqarnissaat kikkunnut tamanut suliariumanittussarsiuunneqassapput.