Isumaqatigiissuteqarnerup Savalimmiut Brexitip kingorna niuernikkut suleqatigiissinnaatikkaa
Savalimmiormiut Tuluit Nunaanniik niuernikkut isumaqatigiissusiorput, Brexit atuutilerpat niuernikkut suleqatigiittoqalerniarluni, isumaqatigiissullu qaammatip naalernerani atsioqatigiissutigineqassaaq:
Tuluit Nunaanni innuttaasut Tuluit Nunaata EU-mi ilaasortaajunnaarnissaa pillugu 2016-imi juunip ulluisa 24-anni taasitinneqarput, tuluillu EU-mi ilaasortaajunnaarnissaat amerlanerussuteqartut taamanikkut taasissutigaat.
Savalimmiut Tuluillu Nunaatalu niuernikkut suleqatiigilernissaat taamanikkulli isumaqatigiinniutigineqalerpoq, Høgni Hoydal, Tjóðveldi Savalimmiullu nunanut allanut tunngasunut naalakkersuisuat Poul Michelsen, suleqateqarnissaq pillugu Tuluit Nunaannut ataatsimiigiartarlutik.
- Tuluit Nunaata EU marsip 29-ani qimassagunanngilaa, kisianni nunat niuernikkut suleqatigiinnissaat pillugu suliaq allarluinnaavoq, Poul Michelsen, Sermitsiaq.AG-mut oqarpoq.
Nunatta Kalaallit Nunaata EU-mut Sinniisoqarfia aqqutigalugu niuernermut ilinniartitaanermullu tunngasunik isumaqatiginniarnerit aallartereerai, aamma EU-Kommisserit danskillu naalakkersuisui aqqutigalugit attaveqareersut, Ilinniartitaanermut Nunanullu allanut tunngasunut naalakkersuisoq siusinnerusukkut ilisimatitsereerpoq.
Har ringet og skrevet en mail. er først tilbage i morgen.