Isumaqatigiissuteqanngitsoorput

Qaqqamik innermik anitsisartumik anitsisoqaqqissagaluarpat teqqalatitat pillugit maleruaqqusanik ataatsimoorussassanik isumaqatigiissuteqarnissap ullumikkut inissinnissaa angallannermut ministerit ilimagisimagaluarpaat. EU-kommissionilli taakku tunniutinngilai.
juunip 24-at 2010 15:55

Ministerit maanna naammagittaalliortut nutaarsiassaqartitsivimmi Ritzauimi allaaserineqarpoq.

- Apeqqutit akineqartussat tamaasa pillugit kommissioni nalunaarusiorsimagaluarpoq, qanorli aalajangiisoqarnissaq ersarinngilaq. Taamaammat nipituuliulaarpugut, Danmarkimi angallanneq pillugu ministeri, Hans Christian Schmidt, oqarpoq.

Timmisartumut ilaasut pisinnaatitaaffiisa aaqqiivigineqarnissaat angallannermut EU-mi ministerit erinigisimagaluarpaat, aamma arsakunik silaannarmiittoqassagaluarpat naliliussamik qaangeqqusaanngitsumik ataatsimoortumik peqalernissaq angorusukkaluarlugu.

Isumaavoq timmisartuutileqatigiiffiit naliliussamik qaangeqqusaanngitsumik ataatsimoortumik peqalernissaat. Taama pisoqanngippat qaqqap innermik anitsisartup teqqalatitaanik takkuttoqaqqissagaluarpat, timmisartuutileqatigiiffiit aningaasaqarniarneri eqqarsaatigalugit, nunat imminnut qamanissaat ernummatigineqarpoq.

- Innermik anitsisoqaqqeriataartoqarsinnaavoq, kisianni tassa qanoq iliornissatsinnut ataatsimoortunik maleruagassaqanngilavut, Haans Christian Schmidt oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq