Isumaqatigiissut ukiuni arlalinni atuuttoq Air Greenlandip piumasaraa
Air Greenlandilu tamatumunnga saneqqunneqarsinnaanani isumaqarpoq, taamaassappali sivisuumik isumaqatigiissutip atuunnissaa aamma isumaqatigiissutigisariaqassasoq.
Pisortaq Michael Binzer oqarpoq. S-61nut taarsiussassanik qulimiguulinnik annaassiniaataasartussanik pisiniarluni Air Greenland Namminersornerullutik Oqartussanut neqerooruteqarsimapput, tamannali aatsaat sivisuumik kiffartuussinissamut isumaqatigiissuteqarnikkut pisinnaassasoq Michael Binzer oqarpoq.
Taanna aamma isumaqarpoq qulimiguulinnik annaassiniarnernuinnaq atugassanik - tassa ilaasartaajutiginngitsunik pisaarnissaq piviusorsiornerusoq.
Michael Binzer aamma isumaqarpoq sinerissami arlalinnik upalungaarsimatitsisoqalersinaaasoq. Qanorli annertutigisumik upalungaarsimatitaqalernissaq Namminersorlutik Oqartussat aalajangissagaat.
- Annaassiniarnernut atatillugu upalungaarsimasoqalissappat uagut suleqatigineqartariaqarpugut -
Binzer oqarpoq, Namminersorlutik Oqartussat ungasinngitsukkut Air Icelandimik isumaqatigiissuteqarsimasut namminneq neqerooruteqarnissaminnik periarfissinneqaratik.
Siorna Namminersorlutik Oqartussat Air Icelandimik isumaqatigiissuteqarnerisa kingorna nalunaarpusi Namminersorlutik Oqartussanik isumaqatigiissuteqarnerni sissuertariaqarlusi.
Isumaqatigiinniarnerni sissuertariaqarpugut aamma piginnittuvut isumaqatigiinniaqatigissagutsigit -
Binzer oqarpoq, nangillunilu; annaassiniartarnissat isumagisinnaallugit tassungalu atatillugu atortussat pisiarisinnaallugit
Taakkua saniatigut isumaqatigiissusiornerni aamma Air Greenlandip isertitaqartarnissaa eqqarsaatigiitigalugu aamma Air Greenlandip annaassiniartartutut isigineqarnissani soqutigisaraa.
Arlaannik ajunaartoqalerpat Air Greenland soorunami akuliuttussaavoq, kisiartaallutami Nunatta iluani timmisartuussinerpaavugut. Imaappoq ajunaartoqalerpat annaassiniarnissami Air Greenland isumalluutigineqartussaavoq, Michael Binzer oqarpoq.