Assi: Foto: Jonas Fievé

Isumaqatigiissut tulluusimaarutigalugulu nuannaarutigaat

Naalakkersuisooqatigiinni partii anginerpaap Siumup, tapersersortaasalu Demokraatit piginneqatigiinnissamik isumaqatigiissut naammagisimaarlugulu torraanerusinnaanngitsutut nalilerpaat.

Naalakkersuisooqatigiit tapersersortaasa Demokraatit mittarfittaassat pillugit isumaqatigiissummut annakkuummeqqapput, atsioqatigiinnerlu nuannaarutigaat.

- Kiisami isumaqatigiissut inissippoq, nuannaarutigivarput assut demokraatininngaanniit isumaqatigiissutip taamatut isikkoqarluni inissinnera, Demokraatit aaqqissuussaanermut akisussaasutut siulittaasup tullia Nivi Olsen KNR-imut oqarpoq.

Danmarkip Nunatsinni mittarfinnut aningaasaliinera
* Naalagaaffik Nuummi Ilulissanilu mittarfinnut 700 mio. koruuninik aningaasaliivoq. Naalagaaffiup taamaalilluni mittarfiit marluk 33,3 procentimik piginneqataaffigisinnaalerpai
* Den Nordiske Investeringsbankimit 450 mio. koruuninik atorniartoqarpoq, naalagaaffillu atornermut qularnaveeqqusiisuuvoq, taamaalilluni atukkanit erniat appasissinnaallutik.
* Naalagaaffik aningaasaliissutinik pisariaqartitat sinnerinut 450 millionit koruuninik erniakitsumik taarsigassarsisitsissaaq.
* Naalakkersuisut Naalagaaffillu 220 mio. koruuninik sanitigut aningaasaliipput, taakku Nunatsinni inuussutissarsiornerup ineriartortinneranut atorneqassapput.

AAMMA ATUARUK Isumaqatigiissut pitsaanerpaavoq

Nunatta avataaniit aningaasaliisussarsisinnaaneq partiip suaartaatigiuaannarnikuusaa naammassinneqarsimasoq, tamannalu annakkuummernartuusoq, nunattalu takornariaqarnikkut aningaasarsiornikkullu annertuumik siuariartuutlgiissagaa Nivi Olsenip qularutiginngilaa.

- Torraanerusinnaanngilaq isumaqatigiissutip ilusaa uagut isumatsinni.

Naalagaaffik pingarsorarterutaanik piginniittuuvoq

Naalagaaffik Nuummi Ilulissanilu mittarfinnut 700 millionit koruuninik aningaasaliivoq. Naalagaaffiup taamaalilluni mittarfiit marluk 33,3 procentimik piginneqataaffigisinnaalerpai.

Piginneqatigiinnissamik isumaqatigiissummi immikkoortut pingaarnerit ilagaat ingerlatseqatigiiffiup siulersuisui ataatsimeersuarnermi qinikkat tallimat arfineq-marlullu akornanni amerlassuseqassasut, Kalaallit Airports Holding A/S-ilu Namminersorlutik Oqartussanit tamakkiisumik pigineqartoq siulersuisuni ilaasortassanik sisamanik inassuteqassasoq, tassunga ilaallutik siulersuisuni siulittaasoq, danskillu naalagaaffiat siulersuisuni ilaasortassanik marlunnik inassuteqassasoq.

AAMMA ATUARUK Piginneqatigiinnissamik isumaqatigiissut Kielsenip illersoraa

Aamma danskit naalagaaffiat arlalitsigut itigartitsisinnaatitaanissaa isumaqatigiissutigineqarpoq, soorlu kina siulersuisuni siulitaasussanersoq ingerlatseqatigiiffimmilu pingaarutilinnik allannguisoqassatillugu.

Danskillu naalagaaffiata Kalaallit Airports A/S-imik piginneqataanera Partii Naleqqamit Inuit Ataqatigiinniillu iluarineqanngilaq. Tamannarpiarlumi pissutigalugu Partii Naleraq naalakkersuisooqatigiinnit siorna septembarimi tunuarpoq. Siumukkormiullu saamarpalunnerupput: 

Siumup politikkikkut oqaaseqartartua Karl Kristian Kruse aamma naammagisimaarinnippoq.

- Tulluusimaarutigivarput kiisami oqallittuarsimaneq piviusunngortinneqarnissaminut maanna tunngavissinneqarmat, Karl Kristian Kruse KNR-imut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat