Isumaqatigiissut tapersersorpaat

Danmarkimi partiit EU-mut tapersersuisut isumaqatigiissut nutaaq iluarisimaarluarpaat.
Allattoq Elisa Isaksen
oktobarip 19-at 2007 08:00

- Angusaq kusanarluinnarpoq. Europami aalajangiisinnaassuseqarneq pitsaanerulissaaq aamma kikkut tamat oqartussaaqataanerat malinneqarnerulissaaq, Socialdemokratineersoq Svend Auken ullaarmanna Danmarkimi Radioaviisimut taama oqarpoq.

Isumaqatigiissut Dansk Folkepartiimit isornartorsiorneqarpoq.

- Apeqqutini pingaarutilinni oqartussaaffigisavut amerliartuinnartut EU-mut tunniussuutilerpavut, taamaattumik qinersisartut taasitinneqarnissaat piumasaraarput, Morten Messerschmidt oqarpoq.