Isumaqatigiissut inatsisitigut pituttuissanngilaq
Silap pissusaa pillugu isumaqatigiittoqarnissaa danskit naalakkersuisuisa suliniutigigaat, isumaqatigiissutillu aappaagu 2010-mi atuutilernissaa pilersaarutigineqartoq, Lars Løkke Rasmussenip nassuiaatigaa.
Silap pissusaa pillugu Københavnimi ataatsimeersuarnissami, decemberip qaammataanni ingerlanneqartussami, nunarsuarmioqatigiit sila pillugu isumaqatigiissuteqarnissaannut periarfissaq kingulliusoq, danskit avatangiisinut ministeriat Connie Hedegaard, Christiansborgimi sapaatip akunnerata naanerani ataatsimeersuartoqarnerani oqarpoq.
Connie Hedegaardip EU-imi kommisæritut toqqarneqarnissaa piffissami kingullerni tusagassiuutitigut sammineqarpoq, maannakkullu piffissaq sivikitsoq periarfissaqartinneqarluni José Manuel Barrosomit Bruxelleliartitaavoq.