Isumaqatigiissut atorunnaarsikkaa

Ruslandip europami sakkutooqarnikkut isumaqatigiissut CFE atorunnaarsippaa, CFE sakkutuulersuinikkut isumaqatigiissutaaginnanngilaq, kisiannili aamma atomimik qaartartulianik ingutserinissamik isumaqatigiissusiornermut aqqutissiuisuusimalluni.
Allattoq Jokum Nielsen
novembarip 30-at 2007 07:09

Decemberip 12-aniit Rusland isumaqatigiissummit pisussaatitaajunnaassaaq. Præsident Putin-ip marlunngornermi inatsisartunut qinersinissaq sioqqullugu Rusland-ip isumaqatigiissutaasumik malinnittariaarunnera nalunaarutigaa. Isumaqatigissutaasup atorunnaartinneranut ilaatigut patsisigineqarpoq NATO-mi ilaasortat isumaqatigiissutip piviusunut nutaanut naleqqussarnissaannut isumaqataanngimmata. Uani eqqartorneqarpoq europap agguarsimanera.

NATO raketsinik illersuusiornissamik europap kangiani pilersitsiniarpoq, soorlu aamma iligiit piumasarisimagaat Ruslandip Moldovamiit Georgiamiillu sakkutooqarunnaarnissaa. Russit isumaat naapertorlugu nunani taakkunani sakkutooqarneq CFE-mik isumaqatigiissuteqarnermut attuumassuteqanngilaq. Tamakku patsisigalugit Russit inatsisartui præsidentilu Putin aalajangerput isumaqatigiissut malinneqartariaqanngitsoq. Reuteri malillugu isumaqatigiissut Europami eqqissinermut tunngaviulluinnarpoq.

USA, EU NATO-lu Rusland isumaqatigiissummik atorunnaarsitseqqunagu kajumissaarsimavaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq