Naalakkersuisooqatigiit isumaqatigiissummut ilassutaani anguniagassatut siunniussaat tamakkerlugit anguneqassappata aningaasat 150 million koruunit pisariaqartinneqassasut Naalakkersuisoq Josef Motzfeldt oqarpoq.
- Naalakkersuisooqatigiinnermi angorusunneqartut ullumikkorpiaq anguneqassappata aningaasanik 150 million koruuninik pisariaqartitsissaagut. Aningaasaqarnermut Naalakkersuisoq Josef Motzfeldt oqarpoq.
Aningaasartuutissat 150 million koruuniusut matussuserneqassappata suliffissaaleqisut allatut aaqqissuussiffigineritigut aningaasat nassaarineqarsinnaasut, aningaasaqarnermut Naalakkersuisup Josef Motzfeldt-ip oqaatigaa.
Kommunit Namminersornerullutillu oqartussat aningaasartuterpassuaqartarput, aaqqissuussaanerusumillu suliffissaaleqisut sullinneqalerpata, aningaasanik tigooraasuinnaanatik akileraartartunngortinneqarlutik aningaasarpassuit tassuuna sipaarneqarsinnaalissapput. Aningaasaqarnermut Naalakkersuisoq Josef Motzfeldt naggasiillunilu oqarpoq;
- Ilassutitut isumaqatigiissut Partiillu tamarmik angorusutaat aningaasalerneqassappata katillugit 600 million koruuninik naleqarsinnaapput.