Isumaqatigiipilunneq

Balkanimi sorsunneq pillugu nunat tamat ilisimatuunik misissuisitsineranni pisortaasoq, oqaluttuarisaaneq pillugu ilisimatooq amerikamioq, taamatut oqarpoq.

Sorsunnerup nalaani pinerlunnernut akisussaasut ilaat USA-mik isumaqatigiissuteqapilussimaneragaavoq.

Bosniami 1995-imi sorsuunneqarunnaarmat sorsunnerup nalaani pinerlussimasut qanoq pineqassanersut apeqquterujussuuvoq. Serbiamiut marluk, politikkikkut akisussaasuusimasoq Radovan Karadizc, sakkutuunullu akisussaasuusimasoq, Radkum Ladizc, tamarmik qaammatit marluk siornatigut, Haag-imi nunat tamat eqqartuussivianni unnerluutigineqartut, ulloq manna tikillugu suli tigusarineqanngillat. Oqaluttuarisaaneq pillugu ilisimatuup Charles Ingrouth-ip oqaasii malillugit, suli tigusarinnissimannginneq tupinnartoqanngilaq, amerikamiummi sakkutuui sorsunneqareersoq Bosniamut isaagamik naalakkerneqarsimapput sorsunnerup nalaani pinerlussimasut tigusariniarneqassangitsut, USA-mit sakkutuunik annaasaqarnissaq annilaanngatigineqarsimammat. Charles Ingrouth, sorsunnerup nalaani pinerlussimanernik nunat tamat qulaajaatitaanni, Scholars Initiative-mi pisortaavoq, paasisaallu USA-mi nunanut allanut ministeriaqarfimmi sulisunit nuimasunit oqaatigineqarsimapput. Clintonip præsidentiunerata nalaani sakkutuunik Bosnialiartitsineq USA-mi innuttaasunit tapersersorneqarpianngilaq, pinerlussimasullu tigusarinianngikkunikkit isumaqatiginiarneqaannarsinnaasutut isigisimavaat, USA-miit eqqissinissaq anguniarlugu aallartitaq Richard Houlbrough, 1996-imi soorlu taamaaliorsimasoq. Houlbrough misiaraluarpoq, Haag-imili eqqartuussivimmi unnerluussisut qullersaat, Cara Del Ponde oqarpoq, 1999-imi Serbiamiut naalakkersuisuinik ataatsimeeqateqarnermi Karadizc-imik isumaqateqarsimaneq saqqummiunneqarsimasoq, Bosniami atuagassiaq tutsuiginartoq taamatut allappoq. Cara Del Ponde-lli allaffianit paasisat oqaaseqarfigineqarusunngillat.