Ualimut Naalakkersuisunngortitsiniarlutik partiit isumaqatigiinniartuisa naapinnerat sivikitsuinnarmik ingerlanneqarpoq. Oqaloqatigiinnerit sivikitsuinnarmik ingerlanneqareersut isumaqatigiinniartut avissaarput.
Inuit Ataqatigiit sinnerluguit isumaqatigiinniaqataasoq Kuupik Kleist nassuiaavoq, partiit immiikkoorlutik qanoq naalaakkersuisunngortitseqatigiissinnaaneq tunngavilerneqarsinnaanersoq oqaloqatigiissutiginiaritsik.
- Tuaviuusserusunngilagut, ullut 14 -it piffissaraavut inerniliiniarnissamut nassaarniarnissatsinnut, tamanna atorluarniarparput, Kuupik Kleist oqarpoq.
Atassutip siulittaasua Finn Karlsen oqarpoq, partiit politikkikkut piumasaqatiginiakkatik oqallisigigallaraat.
Naalakkersuisunngortitsiniarlutik isumaqatigiinniartut aqagu ullaap tungaa naapeqqissapput.