Isumaqatigiinniarnerit oqartussaarusunnermik pujualaartut

Pituffimmi alapernaarsuiffiup isumaqatigiinniassutiginera nunarsuarmi eqqissinissaq pingaarnerutinnagu, Namminersornerullutik Oqartussat qallunaallu naalakkersuisuisa nunatsinnut inatsisitigut oqaasissaqarneruniarnerannik imaqarpoq.

USAp Nunatsinnut saaffiginninnera naalagaaffeqatigiinnerup illersorneqarnissaata sunniuteqarfiginissaa naalakkersuisutta paasilluarsimavaat, iluatsilluarsimasorlu ilisimatuup nunarsuaq tamakkerlugu naalakkersuinermik ilisimasalik oqarpoq. Iluatsittumik kalaallit isumaqatiginninniartuisa nunatta aqunneqarnerata  nunatsinniit ingerlanneqalernissaanut sangutippaat, qallunaat ukiuni kingullerni 50-ini nunatsinnik aqutsisimanertik kukkusuusoq nassuerutigimmassuk. Isumaqatiginninniarnerit qallunaat naalakkersuisuisa kalaallit nunaminnik namminneq aqutsinissaminnik ilisserinissaminnut qanoq akuersaartigisinnaanersut misiligutaavoq iluatsilluartoq.

Ilisimatusarnermi ikiorti Kristian Søby Kristensen oqarpoq, USA-p saaffiginninnera ukiut marluk qaangiuttereersut Nunatta Danmarki aapparalugu illersornissaq pillugu isumaqatiginninniarnerit malinnaaffigereerlugit naliliinera kalaallinut tuikkut pattalaarinninneruvoq. Isumaqatiginninniarnerni naalakkersuisunut ilaasortap Josef Motzfeldtip piumasaraa alapernaarsuiffimmik nutarteriniarneq nunarsuatsinni eqqissineqarnissaanik suliniutinut akornutaassanngitsoq. Kristian Søby Kristensenilli malugaa, nunatta isumaqatiginninniartuisa qallunaat illersornissamut isumaqatigiissutissap akuerinissaannut aqinaarsinnaallugit, isumaqatigiissutissallu ilissernissaa pingaarninngortinnagu.

Isumaqatiginninniarnerit misigissutsit atorlugit nunatta aallartitaasa paasilluarlugu ingerlakkaat, Kristian Søby Kristensen naliliivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat