Isumaqatigiinniarnerit nangeqqikkaat
Kangiani Qiterlermi eqqisseqatigiittoqarnissaa siunertaralugu Washingtonimi isumaqatigiinniarnerit ullumi nangeqqinneqarput, kingusinnerusukkullu isumaqatigiinniaqqittoqarnissaa aalajangiunneqarluni.
Allattoq Mads Lynge
Kangiani qiterlermi eqqisinissaq anguniarlugu isumaqatigiinniarnerit Washingtonimi ullumi nanginneqarput, tamanna pivoq Israelip ministeriunera Ehud Olmert Palæstinamiullu præsidentiat Mahmoud Abbas amerikamiut præsidentiannik George W. Bushimik ataatsimeeqateqarneranni.
USA-p nunanut allanut ministeria, Condoleeza Rice nalunaarpoq Olmert Abbasilu decembarip aqqaneq aappaani isumaqatigiinniarnitik nangeqqinniarlugit isumaqatigissimasut.
USA-p, Ruslandip, EU-p Naalagaaffiillu peqatigiiffiata, FN-ip 2003-mi eqqissineqarnissamut pilersaarusiaat annertigut malinneqarpoq.