Isumaqatigiinniarnerit isasoorput

maajip 03-at 2005 06:34

Namminersornerullutik Oqartussat Piniarnermik Aalisarnermillu Nakkutilliisut isumaqatigiinniaraluarnerat ippassaq unitsiinnarneqarpoq.

Isumaqatigiinniarnerit ullup siulliup ingerlanerani nalunaaquttap akunneri sisamat affarlu ingerlareersullu unitsinneqarput.

Namminersornerullutik Oqartussat akissarsiassatut siunnersuutaannut Atorfillit Kattuffiata akuersaarsinnaasimannginnera unissutaasimalluni.

Atorfillit Kattuffianni siulittaasoq Erik Hammeken oqarpoq, isumaqatigiinniartut piumasaat imminnut ungasippallaarujussuartut, isumaqatigiinniarnerillu qaqugu aallarteqqissanersut suli oqaatigisinnaannginnerpaa.

-Namminersornerullutik Oqartussat allamik siunnersuuteqarnissaat utaqqivarput, Erik Hammeken oqarpoq.

Suliumajunnaartoqarnissaanik ilimasaarisoqanngilaq.