Isumaqatigiinniarnerit ingerlaarput

Partiit pingasut atsioqatigiipput isumaqatigiinniarlutik, maannakkullu ingerlanneqarpoq partiit tamarmik aallartitaasa isumaqatigiinniarnerat. Isumaqatigiinniartut suliassaasa pingaarnersaraat naalakkersuisunut tunngasumut isumaqatigiissut, tassungalu tunngatillugu IA-p siulittaasua Josef Motzfeldt ima oqarpoq.

- Partiit tamatta marlunnik isumaqatigiinniartitassatsinnik aallartitaqarpugut, taakkualu suliassaraat naalakkersuisunut tunngasunut isumaqatigiissut. Aamma ukiut sisamat ingerlanerini suut anguneqassappat, taakkualu saniatigut Naalakkersuisoqarfiit agguataarneri qanoq isikkoqassanersut isumaqatigiinniutigissavaat, Josef Motzfeldt, IA-p siulittaasua oqarpoq.

Josef Motzfeldt aamma oqarpoq partiit tunuliaqutaasa qanoq isumaqataatigineri aamma apeqqutaassasoq.

- Naggataatigut uagut partiinut siulittaasuusugut isumaqatigiinniarnermut angusimasat akerisussaavagut, Josef Motzfeldt naggasiivoq.

Atassutip siulittaasua Finn Karlsen isumaqarpoq partiit tamarluinnarmik qineqqusaarutaasa amerlanerpaartaat assigiittut.

- Partiit Kattusseqatigiit, Demokraatit, Atassut, Siumut Inuit Ataqatigiillu anguniakkagut tamgangajalluinnarmik assigiipput assigiinngissutigisinnaasagut annikittualuinnapput, Atassutip siulitaasua Fin Karlsen oqarpoq, isumaqatigiinniarsinnaanerlu decembarip 29-ata tungaanut ingerlasinnaammata ernumaginngila.

- Inuiaqatigiit ilisimassavaat Naalakkersuisuunngortitsinissaq anguniarlugu isumaqatigiinniarnissaq maannakkut ingerlanneqarmat, Finn Karlsen naggasiivoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat