Isumaqatigiinniarnerit georgiamiunit pissanngatigineqarput
Amerikamiut nunanut allanut ministeriat, Condoleeza Rice, ullumi tikittussaammat taassuma piaartumik aaqqiagiinnginnermik unitsitseqataasinnaanissaa georgiamiut neriuutigaat.
Georgiami ullumi nipaakkaluartoq sorsuunneqaqqammernerata kingorna inuit nuannaarutissaqanngillat. Nikanarsagaasimasutut misigisimapput neriuutaarullutik aarlerillutillu, Politikenimi tusagassiortoq, Vibeke Sperling Georgiamiit taamatut nalunaarpoq. USA-p nunanut allanut ministeriata, Condoleeza Rice-p, ullumi tikikkuni pingaarnertut suliassarissavaa eqqissineqarnissaanut EU-p siunnersuutaa præsident Saakhavilimut atsiortinniassallugu. Georgiamiut USA-p sunniuteqarsinnaanera neriulluarfigaat, russimmi ataqqisaannik sunniisoqarsinnaassappat tassaassammat USA. Russit nunap immikkoortortaanni avissaarniartuniiginnarniarlutik neriorsuereeraluarlutik, suli illoqarfinni annerumaani soorlu Gori-mi qanitaanilu talittarfeqarfimmi sorsuutiminnik alapernaapput.
Condoleeza Rice-p Georgiamiinnerani tyskit kansleriat, Angela Merkel, Ruslandimi præsident Medvedev-imik eqqissinissamut isumaqatigiissummik atsiortitsiniaassaaq.
