Suliumajunnaarneq: Isumaqatigiinniarnerit atorlugit timmisartuussinerit qulakkeerneqassapput

Air Greenlandip timmisartui Danmarkimi suliumajunnaarnersuaqalerpalluunniit timmisartuussiinnarsinnaagunartut Sermitsiap allaaseraa.

Nutarsaanermut aqutsisoqarfik – Moderniseringsstyrelsen – Naalagaaffik sinnerlugu isumaqatigiinniartuusoq Akademikernes Centralorganisation-imeersullu sisamanngorpat ataatsimiilerpata DMI-mi silasiortut arlallit suliumajunnaaqataassannginnersut pillugit isumaqatigiinniarnialersut Sermitsiap allaaseraa.

Tamannami anguneqarsinnaassappat timmisartoqarfinni silassamik ilimasaarusiortoqarsinnaalissaaq, taamaalillunilu timmisartut nunatsinni timmisartoqarfinnut missinnaalissallutik.

AAMMA ATUARUK Danmarkimi suliumajunnaartoqassappat nunatsinni timmisartuussinerit eqqorneqarsinnaapput

Timmisartoqarfinnummi silassamik ilimasaaruteqanngippat nunatta iluani timmisartuussinerit tamavimmik unitsinneqartariaqalissapput, assersuutigalugulu Københavnimiit Kangerlussuarmut timmisartuussisarnerit unitsinneqariaannaallutik. Tamanna DMI-p Namminersorlutillu Oqartussat oqaatigereerpaat.

Danmarkimi pisortat suliffeqarfiutaann sulisut apriilip sisamaaniit suliumajunnaariaannaapput, isumaqatigiinniarnerilli maanna ingerlasut apeqqutaallutik suliumajunnaarnissaq marloriarluni ulluni 14-ini kinguartinneqarallarsinnaalluni.

Naalagaaffik, Danmarkimi Kommunit regionillu tamarmik sulisut suliumajunnaartunik apriilip qulinganiit mattusseriaannaanerarlutik nalunaarutigereerpaat.

AAMMA ATUARUK Angalasussat bilitsii allanngortinneqarsinnaasut

AAMMA ATUARUK Suliumajunnaarneq Kalaallit Nunaanni timmisartuussineq eqqugaasinnaavoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat