Isumaqatigiinniarneq ullumi naammassissangatippaat
Sulinermik Inuussutissarsiutillit Kattuffiata aamma Sulisitsisut Peqatigiiffiata isumaqatigiinniarnerat ullumi nalunaaqutaq pingasunut atsioqatigiinnermik naammassissangatinneqartoq, Jess G. Berthelsenip ilimasaarutigaa.
Allattoq Louise M. Kleemann
- Allaffimmut akissarsiaat pillugit isumaqatigiissut atsioqatigiissutigereerparput, isumaqatigiissutissallu sinneri ullumi atsiorneqarnissaat naatsorsuutigaara, Jess G. Berthelsen oqarpoq.
Illuartungeriit isumaqatiginninniarnerat marsip arfineq-pingajuanni aallartippoq.
Isumaqatiginninniarneq kingulleq qaammatinik arfineq-pingasunik sivisussuseqartoq, 2006-mi novembarimi qaammataani atsioqatigiinnermik naammassineqarpoq.