Isumaqatigiinniarneq suli uninngavoq

Raajat akii pillugit isumaqatigiinniarneq unittoormat ataatsimiititaliaq suligasuartussaq naalakkersuisunit pilersinneqarpoq. Raajat nunarsuarmi akiinik missuinissaq sulisitsinermut siunertaavoq. Ataatsimiititaliamik pilersitsineq suliamik kinguartiteriniaannarnerusoq, KNAPK, ataatsimiititalimi aamma suleqataasoq, naliliivoq, KNAPK- siulittaasua Peter Olsen ima oqarpoq:

- Politikkikkut oqartussanik ullut kingulliit oqaloqateqaqattaarpugut, neriulluta Royal Greenland politikkikkut oqartussanit oqarfigineqarsinnaajumaartoq, KNAPK-p siunnerfini qimanngikkaa.

Ataatsimiititaliamik suligasuartussamik pilersitsineq kinguarsaaniarnertut KNAPK-mit isigineqarpoq.

- Ilumoorluinnarpoq ataatsimiititaliaq sulisinneqassappat suliassat asuli kinguarsarneqaannartussaapput. Aalisarnermut naalakkersuisoq allaanngilaq siunnerfimminit sangorujussuarluni aporfissanik allanik soorlu qinaasiniarsarisoq. Naalakkersuisut piumasaat KNAPK-p nunarsuarmi raajat akiinik nalunaarsukkat nassiuteerpavut.

Peter Olsen erseqqissaavoq tassa utaqqeqqittoqarsinnaanngitsoq.