Isumaqatigiinniarneq politikkikkut akuliuffigineqarsinnaavoq

Isumaqatigiinniartunit sunnguamik suli tusarliisoqanngilaq. Suliffeqarnermullu politikkikkut nalilersuisartunit isumaqatigiinniartut ataatsimoorlutik tusagassiuutinut nalunaaruteqarnerat neriuuteqarnartutut nalilerneqarpoq, tassami isumaqatigiinniarnerit ullaaq manna aallartinneqaqqipput. Illuatungeriillu imminnut naapilerunartutut nalilerneqarsinnaapput, tassami tamarmik isumaqatigiinngissutsimi annikitsuunerat pillugu oqariartuuteqarput.

Isumaqatigiinniarnerillu timmisartunut ilaasussanut suliumajunnaartoqassagaluarpat eqqorneqartussanut imaluunniit eqqorneqartussaasuugaluanut neriuuteqartitsivoq. Ineqarnermut, Angallannermut Attaveqarnermullu Naalakkersuisumit Jens B. Frederiksenimit pisut maanna malinnaaffigineqaqqissaarput, isumaqatigiinniaqqilernerillu nuannaarutigineqarlutik.

Naalakkersuisunut ilaasortap Jens B. Frederiksenip isumaqatigiinniarnerit malinnaaffigeqqissaarpai, Suliffeqarnermiillu suliumajunnaarnissamik nalunaarut inatsit naapertorlugu pisutut Naalakkersuisoqarfimmit nalilerneqarpoq. Tassa sulisitsisut sulisullu akornanni isumaqatigiinngissutsit iluminni aaqqinneqartariaqartutut isigineqarlutik.

Taamaattumik politikkikkut massakkuungallartoq akuliuttoqarnavianngilaq. Ilimagineqartumiillu allatut pisoqassappat, soorlu isumaqatigiittoqanngitsoorluni suliumajunnaartoqarlunilu, taava politikkikkut nalilersorneqassaaq suliumajunnaarneq inuiaqatigiit pinngitsoorsinnaanngisaannut qanoq sunniuteqassanersoq, kingunerlussappallu taava politikkikkut akuleruttoqarnissaa pisariaqalersinnaavoq.

Danmarkimi isumaqatigiisitsiniartartut kiisalu Danmarkimi peqatigiiffit akulerunnerisigut isumaqatigiinniarnerit ingerlanneqaraluartut, taammaattoq isumaqatigiinniarnerit Kalaallit Nunaannut tunngassuteqartut, Naalakkersuisunut ilaasortaq Jens B. Frederiksen aamma oqarpoq. Taamaattumillu isumaqatigiinngitsoortoqassagaluarpat pisariaqarfiisigut Namminersorlutik Oqartussanit politikkikkut akuliunnissamut periarfissaqarpoq.