Isumaqatigiinngittoqarmat Kommunini aqutsinermi inatsisissaq kinguartippaat

Kommunit aqunneqarneranni inatsisissapkinguartikkallarneqarnera Qeqqata Kommuneriligassaani siulittaasup Hermann Berthelsenip isumaqatigilluinnarpaa. Naalakkersuisut Inatsisartullu aaqqissuusseqqinnermut ataatsimiititaliaat isumaqatigiissinnaasimanngillat ataatimiititaliaq arlalinnik allannguutissaqartarluni.
novembarip 20-at 2008 12:33

Assersuutigalug Kommunalbestyrelsimi amerlanerussuteqartut borgmesterimik tullersortaanillu tunuartitsisinnaatitaalissasut ataatsimiititaliaq isumaqarpoq.

Naalakkersuisut illuanik siunnersuutigaat kommunalbestyrelsit sumiiffinni ataatsimiititalianik pilersitsisinnaanissaat, Naalakkersuisut isumaat malillugu nunaqarfinni aqutsisutut akisussaaffeqassallutik.

Tamanna ataatimiititaliamit isumaqatigineqanngilaq, aalajangiisinaasut ikilisarneqarnissaat kommunini aaqqissuusseqqinnermi aamma siunertaammat.

Qeqqata Kommuneriligassaani siulittaasup Hermann Berthelsenip eqqarsaqqinnissamut piffissaaqalerneq nuannaarutiga.

- Kommunerujussuit tusarniarneqaqqaarnissaat pisariaqarpoq, tassami kommunini ataasiakkaani ingerlariaatsit assigiinngittarmata.

- Borgmesterit kommunini allaffissuit toqqissisimasumik ingerlanneqarnerannik qularnaarinnipput , taamaattumik borgmesterit suli qinigaaffik naanngitsoq taarserneqartaraluarpata kommunini ataasiakkaani ingerlatsineq pissusissamisut ingerlajunnaassaaq, sulisoqarnikkuttaaq toqqissisimajunnaartoqassaaq, Qeqqata Kommuniani siulittaasoq Hermann Berthelsen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq