- Inatsisartuni ataatsimiinnissaq pissanersoq pissannginnersorluunniit tassani aalajangiisinnaasutuat tassaapput Inatsisartuni ilaasortat, Inatsisartut siulittaasuat Vivian Motzfeldt oqarpoq.Assi: KNR / Malik Brøns

Isumaqatigiinnginneq: Inatsisartut upernaakkut ataatsimiissappat taamaatinneqassavaluunniit?

Inatsisartut upernaakkut ataatsimiinnissaat taamaatillugu coronavirusimut nukiit atorneqassasut Naalakkersuisut siulittaasuat oqarpoq. Inatsisartulli siulittaasuat oqarpoq naamik, ataatsimiissaagut. Inatsisartullu siulittaasuat maleruagassanit ilalerneqarpoq.

Inatsisartut upernaaq manna coronavirusip nalorninartorsiortitsileruttornerani ataatsimiissappat?

Naalakkersuisut siulittaasuat tamatumunnga naaggaarpoq.

- Taamaaammat partiit siuttuisa kaammattuutigisimavaat siulittaasoqarfimmut, ukiamut aatsaat ataatsimiinneq aatsaat pissasoq. Taannalu siulittaasoqarfiup ilalersimavaa, Kim Kielsen (S) aprilip aallaqqaataani oqarpoq.

AAMMA ATUARUK Inatsisartuts forårssamling er droppet  

Inatsisartulli siulittaasuat Vivian Motzfeldt (S) allatorluinnaq maanna oqariartuuteqarpoq.

Inatsisartut upernaakkut ileqquusumik ataatsimiinnissaasa kinguartinneqareerluni maajip 17-iani ileqquusumik ataatsimiinnissaat taassuma aalajangiusimavaa.

Taassuma malittarisassat innersuussutigai.

- Inatsisartuni ataatsimiinnissaq pissanersoq pissannginnersorluunniit tassani aalajangiisinnaasutuat tassaapput Inatsisartuni ilaasortat, Inatsisartut siulittaasuat Vivian Motzfeldt oqarpoq.

Inatsisartut siulittaasuata malittarisassat 

Taannalu Inatsisartut allattoqarfiannit ilalerneqarpoq. Inatsisartut tassaapput piffissaliisussat. Maleruagassat Inatsisartut namminneq aalajangersagaraat, taakkulu Naalakkersuisut allanngortissinnaanngikkaat taakku paasissutissiipput. Inatsisartut ileqquusumik ukiumut ikinnerpaamik marloriarlutik ataatsimiittassasut Inatsisartut maleruagassaanni allassimavoq.

- Inatsisartut piffissaliuussaraluanni upernaakkut ukiakkulluunniit ataatsimiinnissaq arlaannik peqquteqarluni ajornavissappat ajornakusoorpalluunniit, Siulittaasoqarfiup siuartitsisoqassanersoq, kinguartitsisoqassanersoq taamaatitsisoqassanersorluunniit aalajangigassaraa, Inatsisartoqarfik allappoq.

Taamaammat pisut malinnaavigalugit Inatsisartut upernaakkut ataatsimiinnissaat suli taamaatinneqassanngikkallartoq Inatsisartut siulittaasuat oqarpoq.

- Suna tamarmi uippallernermit nalilersuinerit ingerlanneqaqqunagit pisut qanoq ineriartornerit eqqissilluta malinnaaffigisigit, Vivian Motzfeldt oqarpoq.

Amerlanerussuteqartut taamaatikkusukkaat

Coronavirusilli nalorninartorsiortitsinerani, Inatsisartut katersuunnissaat kinguartittariaqartoq, partii naalakkersuisuutitaqartut taakkununngalu ikorfartortaasoq isumaqarput.

- Massakkutut itsillugu piffissarlu una ima isikkoqartillugu takusinnaanngilara sooq Inatsisartut ataatsimiissanersut, Demokraatit siulittaasorigallagaat Nivi Olsen oqarpoq.

Taanna naalakkersuisuutitaqartanit, tassa Siumukkunnit Nunatta Qitornaanillu isumaqatigineqarpoq.

Siumumiit nappaassuup tuniluuttup kingunerisaanik Namminersorlutik Oqartussani sulisorpassuit angerlarsimatinneqartut innersuussutigaat.

- Taava ataatsimiinnissamut piareersarneq annikittuinnannguamik ingerlanneqarsimanissaa nukissaqarfigineqarnissaa ilimanarpoq. Taanna iluarsineqarsimatinnagu ataatsimiittoqassappat tulluanngilaq, Siumup siulittaasuata tullia Karl Kristian Kruse oqarpoq. Coronavirusimulli tunngasunik naammassisassaqarpat parteertik piareersimanerarpaa. Suleqatigiisitsisut tassunga isumaqataapput.

Inatsisartut siulittaasoqarfiata inassutaa, tassalu Inatsisartut maajip 17-ianiit ataatsimiilissasut, ataqqigitsik Inuit Ataqatigiit isumaqarpoq. Partii Naleraq tassunga isumaqataavoq, ataatsimiigiaqquneqassagunillu piareersimanerarlutik. Atassutip amerlanerussuteqartut aalajangiinissaat ataqqissallugu KNR-imut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat