Isumannaatsuunermut atugarissaarnermullu aningaasat amerlanerit
Kommunit isumaginninnikkut isumannaatsuuneq atugarissaarnerlu ukiormanna 1,6 milliardi koruuninik aningaasartuuteqarfigissallugu missingersuusiorpaat.
Kisitsit ukioq 2005-imut sanilliullugu 120 millioni koruuninik qaffariaateqarpoq, procentinngorlugu 8,1.
Tamanna Kalaallit Nunaanni Naatsorsueqqissaartarfiup ullumi nalunaarutigaa.
Kommunit aningaasartuuteqalernerat sulisinnaajunnaarnersiuteqarnermut, meeeqqanik utoqqarnillu nakkutiginninnermut isumaginnilluarnermullu attuumassuteqarpoq, qaffariaatip annersaa meeqqanik inuusuttunillu angerlarsimaffiit avataannut inissiisarnernut aamma pinaveersaartitsinermut assigisaannullu tunngassuteqarlutik.
Aningaasartuutit amerleriaraluartut ataatsimut kommunit siumoortumik 2007-imut pisortat, tassa Kommunit Namminersornerullutillu Oqartussat ingerlatsinerannut sullissinerannullu missingersuutaasa takutippaat katillugit sinneqartoorutit koruunit 50 millioniussasut, siornakkornit ikinnerungaatsiartunik. Taamani 100 aamma 300 millioni koruunit akornanniimmata.
Namminersornerusut ataatsimut aningaasartuutissanik isertitassanillu siumoortumik missingersuutaata aamma takutippaa 2007-imut 137 millioni koruuninik sinneqartooruteqartoqassasoq, ukiup siulianit affaa sinnerlugu ikileriarput, taamani sinneqartoorutit 300 millioni koruuniusimammata.
