Isumannaatsumik angalaneq
Maanna imaatigut angalanermi isumannaatsuunissaq pillugu tv-kkut naqitatigullu paasisitsiniaaneq taaguutilik ”Mianersorlutit angalagit” aallartinneqarpoq, qaammatinilu tulliuttuni ingerlanneqassalluni.
- Imaatigut angalasartut isumannatsuunissamik ilisimasaasa annertusineqarnissaat, ajunaarnerit ikilisinneqarnissaat kiisalu aquttut angallammi isumannaatsuunerup isornartoqannginnissaata paasineqarnissaa pingaaruteqarpoq. Attaveqarnermut Naalakkersuisoq Jens Napãtôĸ’ oqarpoq.
Ineqarnermut Attaveqarnermullu Pisortaqarfiup paasisitsiniaaneq, pingaartumik sunngiffimmi angalasartunut kiisalu angallatit minnerit atorlugit angalasartunut saaffiginnittoq, imaanilu isumannaatsuunissap eqqaamaneqarnissaanik oqariartuuteqartoq piareersarsimavaa.
TV-kkut aallakaatitassanik naatsunik pingasunik suliaqartoqarsimavoq, sammineqartullu tassaapput angalanissamik pilersaarusiorneq, isumannaallisaatit imigassartorsimallunilu angalanerup ulorianaatai.
