Isumannaallisaavissaminnik iluatsitsipput
Israelimiut sakkutuui nunakkut hizbollah-kkunnik akersuunnerisa nalaani Israelimiut timmisartui sorsunnermi atorneqartartut ulloq naallugu Libanonimi qaartartumeeripput.
Israelimiut TV-eqarfiat naapertorlugu Israelip Libanonillu killeqarfiini israelimiut nunaminertamik isumannaallisaavissaminnik pilersitsiniarnertik iluatsissimavaat.
Hizbollah-kkulli suli ajugaaffigineqanngillat. Qaartartut 100-t sinnerlugit nalunaaquttap akunnerata ingerlanerani ullumi Libanonip kujasinnerusortaaniit Israelip avannarpasinnerusortaanut igeriunneqarmata israelimiut sakkutuujunngitsut arfineq-marluk toqutaapput.
Libanonimiulli akersuunnermi annaasaqarnersaapput.
- Akersuunnitsinni libanonimiut 900-t missaanni toqutaapput 3.000-inillu amerlanerit ikilerneqarlutik, taakkua pingajoraarterutai meeraapput, Libanonimiut ministeriunerat Fouad Siniora oqarpoq.