Isumannaallisaanissamik soqutiginnittut amerliartorput

Suliffeqarfinni sulisut amerliartuinnartut sullivimminni isumannaallisaanissamik soqutigisaqaleriartorput.

Narsami suliffeqarfiit assigiinngitsut sinniisui Sullivinni Isumannaallisaaneq pillugu ulluni makkunani pikkorissartinneqarput.

Kristian Jensen Narsami Pilersuisumi isumannaallisaaneq pillugu sulisut ataatsimiititaliaani ilaasortaq oqarpoq, pingaartuusoq sullivinni qulit sinnerlugit sulisulinni ataatsimiititaliaqarnissaq.

- Suliffeqarfiit ataasiakkaarlugit eqqarsaatigalugit qulit sinnerlugit sulisullit – immaqa ikinnerusunilluunniit sulisullit eqqarsaatigalugit – ataatsimiititaliamik pinngitsoornatik ilaasortaqaqqusaapput, Kristian Jensen oqarpoq.

Kiista Isaksen, Avatangiisit pillugit Ilinniartitaanermeersoq, qujamasunnerarpoq Sullivinnut Avatangiisinullu inatsit nutaaq suliffeqarfiit eqqumaffigimmassuk.

Tassa una eqqaassallugu aamma pingaaruteqarami, soorlu sullivinni avatangiisinut inatsit nutaaq atuutilernikuuvoq, taavalu taanna aallaavigalugu aamma suliffeqarfiit allatut ajornartumik sullivinni avatangiisitik qiviartariaqalernikuugamikkik.

Ukunani aamma pikkorissaasarnerni sullivinnut avatangiisinut tunngatiillugu paasititsiniaaneq aallaavigalugu soorunami aamma sulisut taanna eqqumaffiginerulernikuugamikku, soorlu namminneq sulinertik eqqarsaatiginerulerlugu; qanoq kivittaarisarpugut; taamatut kivittaarisinnaavugut?

Soorlu qangatut sulineq qimattariaqaleratsigu,

Kiista Isaksen, Avatangiisit pillugit Ilinniartitaanermi ilinniartitsisoq, oqarpoq.