Isumannaallisaanikkut suleqatigiilernissamik siunnersuut tapersersorpaat
Nunani avannarlerni isumannaallisaanikkut nunanullu allanut tunngassuteqartunik suleqatigiinnissamik siunnersuut, Norgemiumit Thorvald Stoltenbergimit siunnersuutigineqartoq, nunat avannarliit siunnersuisoqatigiiffianni Nordisk Rådimi ilaasortanit nuannaarutigineqarpoq, amerlasuullu isumaqarput suleqatigiinnerunissaq piffissanngortoq.
Allattoq Louise M. Kleemann
februaarip 11-at 2009 08:29
Nunat avannarliit siunnersuisoqatigiiffianni Nordisk Rådimi præsidentip Sinikka Bohlinip nunani avannarlerni nunanut allanut sillimaniarnissamullu tunngassuteqartunik nunani avannarlerni nukittunerusumik suleqatigiinnerunissaq siunissatut takorloorpaa.
Niels Sindal qallunaat nunani avannarlerni siunnersuisoqatigiiffianni Nordisk Rådimi ilaasortaatitat siunnersuut iluarisimaarlugu oqarpoq.
Nunani avannarlermi suleqatigiinnerunissaq pisariaqarpoq. Minnerunngitsumik Islandimut Savalimmiunut Kalaallit Nunaannut issittullu sinneranut pingaaruteqarmat Niels Sindal oqarpoq.
