Isumannaallisaanikkut akuerisaanngitsut timmisinnaajunnaartikkusuppaat
Indiap imarpittaani timmisartumik nakkartoqareersorlu timmisartuutileqatigiit isumannaallisaanikkut akuerisaanngitsunik timmisartuutillit nunarsuarmi tamani timmisinnaajunnaartinneqarnissaat EU-p piumasarilerpaa.
Allattoq Elisa Isaksen
juulip 02-at 2009 08:46
Timmisartuutileqatigiit ajoqutilinnik iluarsaanneqarnerlu ajortunik timmisartuutillit pillugit FN-ip akuerisaanngitsunik nalunaarsuusiortalernissaa EU-p kajumissaarutigaa.
- Nalunaarsuusiorneq nunarsuarmi tamarmi atuuttariaqarsoraara, soorlu EU-mi taamaattumik peqartugut, EU-p angallanneq pillugu kommissæria Antonio Tajani oqarpoq. Maannalu FN-ip timmisartortitsisarneq pillugu suliniaqatigiiffia ICAO attaveqarfiginialerpaa.
Timmisartuutileqatigiit arlaqalereersut EU-p silaannartaani ullumikkut timmisartoqqusaajunnaareerput. Timmisartuutileqatigiit EU-p akuerisaanngitsutut nalunaarsugaataaniittut ilaatigut tassaapput Indonesiami, nunani sovjetunioniusimasumut ilaasimasuni timmisatuutileqatigiit kiisalu Afrikami arlaqartut.
