Isumannaalissaneq pitsanngorsarniarneqarpoq

Islandip isumannaallisaanermut tunngasunik oqaluusereqqusaa siulittaasoqatigiit Reykjavikimi ataatsimiinnermi sapaatip-akunnerata naanerani eqqartorpaat.

Atlantikup avannarpasissuanik nunat atuisut ataqatigiissaagaanerusumik nakkutilliinissamik Nunat Avannarliit Killiit aalajangersagaat taamaalilluni siulittaasoqatigiinnit taperserneqarpoq.

Islandip aallartitaasa siulittaasuata Árni Páll Árnasonip malugeqquaa, Atlantikup avannarpasissuani angallateeqqaniit umiarsuarsuarnut allaat aatsaat taama angallatsigilersut, silallu pissusaata allanngoriartornerata kingunerisaanik aamma angallattoqarnerulernissaa ilimanarluinnartoq.

Islandip aallartitaanit oqaatigineqarpoq, ajunaarnersuaqassagaluarpat upalungaarsimasussanik annaassiniarnernilu atortussanik maanna amigaateqartoqartoq.

Nunat Avannarliit ministeriisa Siunnersuisoqatigivisa inuiaqatigiinni isumannaallisaaneq aappaagu ataatsimeersuassutigissavaat, taamaammat neriuutigineqarpoq siulittaasoqatigiit suleqatigiinnerulernissamik piumasaqaataat nunani ilaasortaasuni oqaluuserineqassasoq.

Aappaagu oqaluuserinissaata tungaanut Atlantikup avannarpasissuani aamma Issittumi isumannaallisaanermik misissuinerit, Nunat Avannarliit Siunnersuisoqatigiivisa inuiaqatigiit qanoq ulapungaarsimatiginerat pillugu nalunaarusiassaannut ilanngunneqarsinnaanersut paasiniarneqarpoq.

Nunat Avannarliit Siunnersuisoqatigiivi Helsinkimi Finlandimiittumi aappaagu oktobarimi ataatsimiissapput.