Isumanaallisaanermut atortutik naammaginartippaat

Inuusuttut Inatsisartui ataatsimiititaliakkaarlutik ippassaq ataatsimiimmata inaarutaasumik aalajangersakkap tunniunnissaa qanillivoq.

Umiatsiani isumannaallisaatit angalasinnaanermullu uppernarsaatit pillugit inatsisit qanoq ittariaqaraluarneri Inuusuttut Inatsisartuisa angallannermut ataatsimiititaliaasa oqallisigivaat.

Ataatsimiititaliami siulittaasup tulliata, Naasunnguaq Hansenip, ataatsimiinnermi isumaqatigiissutertik oqaluttuaraa:

- Aallaqqaammut isumaqatigiilluarpugut, kisianni marloqiusamik isummerluta. Tamatumunnga pissutaavoq, imartatsinni angalaneq ajunaarnernik assigiinngitsorpassuarnik naleqartartoq, taamaattumik innersuussutigaarput isumannaallisaanermut tunngasunik amerlanernik peqatariaqartut; assersuutigalugu: ”Anna”-p atorneqarluarnerunissaa kissaatigaarput.

Inuit naapitavut apersorpavut angalasinnaanermut uppernarsaateqarnersut, aamma umiatsiaminni isumannaallisaanermut sillimateqarnersut, paasiniarlugu.

Amerlanerit angalasinnaanermut uppernarsaateqanngitsut paasivarput, kisiannili apersukkatta isumannaallisaanermut atortutik naammaginartippaat – tamannalu pingaaruteqaqaaq, Kalaallit Nunaanni politimesterip tullersortaai, Bjørn Bay, oqarpoq.

- Umiatsiaminnik angalasartut isumannaallisaatinik amerlanernik nassartalertuuppata, uanilu pingaarnerusumik eqqarsaatigaavut atallaarsuit puttasinnaasut, iputit, ajunaalerrnermi qummoroortaatit, VHF- radio, orsussaq sillimmatissaq assigisaalu ilanngullugit - Inuit tamakkuninnga nassartartuuppata ilimagaara annaassiniarnerit ilaat pinngitsoorsinnaassagaluarivut. Upperaaralu ajutoortunik ujarlernerit ullumimiit sukkanerusumik iluatissinnaassagaluarivut, Bjørn Bay oqarpoq.

Inatsisiliorneq iluaqutaassanersoq Bjørn Bay-ip oqaatigiuminaatsippaa – imaluunniit ullutsinni umiatsiaatillit eqqarsarluarnerulaaqqullugit piumaffigigunikkik pitsaanerussannginnersoq - apeqquserpaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat