Isumalioqatigiissitat siunnersuutiminnik tunniussipput

Aaqqissuussaanermut isumalioqatigiissitat kommunit aaqqissuuteqqinnissaannut nalunaarusiartik innersuussutitillu, ullumikkut naalakkersuisunut tunniuppaat. Taamaalilluni aaqqissuussaanermut isumalioqatigiissitat sulinerat naammassivoq naalakkersuinermillu suliaqartut aalajangiinissaat apeqqutaalerpoq.

Aaqqissuussaanermut isumalioqatigiissitat nalunaarusiartik ualimut tusagassiortunik katersortitsinermi naalakkersuisunut tunniuppaat. Taamaalilluni ukiuni marlunni kommunit nutaamik aaqqissuteqqinnissannut suliaqarneq naammassineqarpoq.

Pisortat allaffeqarfiini suliat agguataarneqartarnerisa allanngortinnissaannut nalilersuisussat nunatsinnilu kommunit aaqqissuussaanerata siunissami qanoq aaqqissuuteqqinnissaanik siunnersuusiortussat isumalioqatigiissitaliaralugit 2003-imi decembariugaa pilersinneqarput.

Isumalioqatigiissitat 28-eriarlutik ataatsimiissimapput nunatsinnilu kommunit tamaasa tikeraarlugit sulinertik oqaluttuariartorsimavaat. Qaanaami silap ajornera peqqutaalluni innutaasunik oqallititsinissaq ajornakusoorsimavoq. Taavanilu oqallittoqarsinnaanngimmat DVD-imik oqalugiarnermik imalimmik nassiussisoqarsimavoq.

Aaqqissuussaanermut isumalioqatigiissitat Martha Labansen siuttoralugu innersuussutitik ullumi naalakkersuisunut tunniuppat.

Kommunit aaqqissuuteqqinnissaanut siunnersuutit sisamaasut maanna innuttaasunit oqallisigineqassapput, isumaqatigiissitallu neriuutigaat siunnersuutit eqqartorluarneqarumaartut. Nunatsinnimi kommunit sorliit ataatsimuulernissaminnik kissaataat oqallinnikkut qulaajarneqarsinnaapput.

Ataatsimuulernissamik kissaatit kingusinnerpaamik 2006-ip naalernerani naalakkersuisunut tunniunneqarnissaat siunnersuutigineqarpoq.

Taamanikkornissaanut kommunit siunnersuutissaqanngippata inatsisitigut aaqqiisoqarnissaa Isumalioqatigiissitanit innersuussutigineqarpoq.

Kommunit arlaleriarlutik aaqqissuusseqqinnissaq ukioq manna oqallisigissallugu periarfissineqarput amerlanerillu ataatsimuulernissap kinguartinneqarnissaa kissaatigaat. Kommunit sivisunerusumik siunnersuutaasunik eqqartuinissaat kissaatigineqarpoq.

Isumalioqatigiissitat aamma aaqqissuusseqqinnissap naalakkersuisoqarfimmit aalajangersimasumit ataqatigiissaarneqarnissaa innersuussutigaat. Inatsisartut aappaagu upernaakkut ataatsimiilerunik aalajagissavaat naalakkersuisoqarfiup sorliup tamanna akisussaaffigissaneraa.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat