Namminersorneq pillugu isumalioqatigiissitami aningaasaqarneq inuussutissarsiornermullu siuarsaanissaq pillugu suligasuartitat Christiansborgimi maanna isumaqatiginninnialeruttorput.
Tamanna Konservativit folketingimi ilaasortaatitaata aamma Namminersorneq Pillugu Isumalioqatigiissitami ilaasortaasup Per Ørum Jørgensenip uppernarsarpaa.
- Unillatsiarpugut, isumaqatigiinnialeruttorpugut, allamik oqaaseqarsinnaanngilanga, Per Ørum Jørgensen radioavisimut oqarpoq.
Pisuussutit uumaatsut iluanaarutaalissappata sinneqartoorutissanut tunngasut isumaqatigiinniutigineqarput. Inernerusoq namminersorneq pillugu isumalioqatigiissitaq qaammammi aggersumi katersuutilerpat saqqummiunneqassaaq.