Isumalioqatigiissitarsuarmi siulittaasup ingerlaqqinnissaa nalilerneqassaaq
Namminersulernissaq pillugu Isumalioqatigiissitarsuup siulittaasua Kalistat Lund Inatsisartunut qiersinermi qinigaanngitsormat Isumalioqatigiissitarsuarmi siulittaasutut ingerlaqqissinnaanissaa imaluunniit allamik taarserneqarnissaa pillugu nalilersuisoqarpoq.
Siulittaasutut allamit taarserneqarsinnaanissi alajangiunneqassappat Kalistat Lundip tamanna tusaatissatut tigorusuppaa, taamaattorli ingerlaqqissinnaanissi aamma periareersimaffiginerarpaa:
- Soorunami qanoq aalajangertoqarnissaa tusaatissatut tigussavara.
Kalistat Lund siulittaasutut ingerlaqqikkusunnerarpoq taamaattorli nutaamik siulittaasuliisoqassappat aamma ikiuunnissaminut piumassuseqarnerarluni.
Namminersorneq pillugu Isumalioqatigiissitarsuarmi suleqatigiissitat pingasuupput. Nunami pissuussutit pillugit suleqatigiissitap suliani naammasivaa, suleqatigiissitat marluk tassalu, Kalaallit inuiattut akuerineqarsinnaanerannut apeqqummik kiisalu aningaasaqarnermut tunngasunik suliaqartut suliatik suli naammassinngilaat, sulineralli nangissaaq Inatsisartuni qinersinerup kingorna ilaasortassat inissitsiterneqareerpata.
